மௌனம்

பேசிய மொழிக்கு நித்திரை

பேசா சொல்லுக்கு மாத்திரை -மௌனம்;

காரண காரியம் ஆயிரம் இருப்பின்

கனவுகளின் கண்ணீர் துளிகள் –மௌனம்

காலத்தின் ஞானம்

கவிதையின் மூலம்

ஆத்மாவின் ஆருயிர் - மௌனம்

ம்

கன்னியின் மௌனம் கனவு தொலைக்கும்;

கவிஞனின் மௌனம் கவிதை சுரக்கும்;

முதியவரின் மௌனம் காலத்தே உரைக்கும்;

ஆட்சியாளரின் கள்ள மௌனம் கலகம் பிறக்கும்;

ஊடகத்தின் மௌனம் பொய்யை உருவாக்கும்;

இல்ல துணையின் மௌனம் மனை சிறக்கும்;

மண்ணின் மௌனம் புவி தட்டை புன்னகைக்கும்;

மௌனிக்கும் முனிவன் முற்றும் துறப்பான்

காலத்தே மௌனிக்கும் மாந்தன் -தன்

கனவுகளை கருவாய் தரித்து

தளிரை உருமாற்றும் தருவாய்........

உணர்வுடன்

  

விஜய் ஆனந்த் .S

-->

நகைமுரண்

பருவத்தே பயிர் செய்ய சொல்லும்

பி .டி விதை விற்கும் மரண வியாபாரி…

கடவுளை நம்பினார் கைவிடபடார்

என எண்ணிய கோயிலுக்குள்

ஆண்டவன் விக்ரகம் பூட்டிய அறைக்குள்…

வஞ்சகம் பேசேல் எனும்

நயமாக பேசும் நாக்கு வியாபாரிகள்…

      கடமையே கண்ணா இரு எனும்

ஊரார்

உடைமையில் உயிர் வளர்க்கும்

அதிகார ஒட்டுண்ணிகள்…

ஞயம்பட உரைக்க கூறும்

110 விதியை நியாயம் இல்லாமல்

அறுவடை செய்யும் ஆட்சியாளர்கள்…

ஊரில் பாந்தமாக பேசும்

உறவினிடே 

ஊறு விளைக்கும் ஊழ்வினை..

அழுகாச்சி மந்திரி சபையில்

வாய்தா கேட்டு

பின்னால் செல்லும் மாண்புமிகு…

காசேதான் கடவுளடா-சில 

மருத்துவனுக்கு

மனித உயிரே காசுதானடா..

.

Time to lead வாசகத்தை கூட

பிரசுரிக்க வலிமை இல்லாத நாளைய தமிழகம்..

3 லட்சம் தமிழன் மூச்சடைத்து

முள்ளிவாய்க்காலில்

முகாரி ஒலித்தபோது உணர்வில்லாதவன்

3 நாள் பிணை தாமதத்துக்கு

முடி இழக்கும்,மண்சோறு சாப்பிடும்,

ஒப்பாரி ஓலமிடும் நாணயமானவர்கள் ..

எதிர்ப்பதும்,மாறுபடுவதும்

மட்டும் முரணல்ல-நகைப்பதும்,

நாணயம் இல்லாதவனை

நா-நிலம் நகைத்து உரைப்பதும்

முரணே... நகை முரணே

உணர்வுடன்

   

விஜய் ஆனந்த் .S

நினைவின் கீறல்....

நிலையில்லா உலகில்

நினைவு போற்ற ஈட்ட -விழை

நினைவுகளே -நல்நினைவுகளே சம்பாத்தனை ...

பேறு முடிந்து பூவுலகில் அடி தொழ - வழி

ஈன்றோரே பேறு அவன் தம் இறைபேறு ....

கால் சட்டை வயதில்

கால் நூற்றாண்டு முன்- கனவுகளே

நாளைய கனவுகளே

அவன் தம் நல்வழி முன்னோடி ...

காளை பருவத்தில் 

கருமத்தை எண்ணா - மனதை 

உருமாற்றும் நல் நட்பே

கைமாறு அறியா காலக்கண்ணாடி...

முதிர்வு எட்ட நேரும் காலந்தனில்

முயற்சி ஒன்றே முடிவை தரும் தளிர் ...

ஒன்று இரண்டாய் இணை நேரத்தில்

கணையாய் மாறும்- கணையாழி

அவன்தம் இணையாளி...

ஏற்றத்தில் இறக்கம் தரும் இறையை

போற்ற விளையும் மனமே

அவன்தம் பூர்வ புண்ணியம்...

கால மாற்றத்தில்

கணினி யுகத்தில்

கண்ணிமைக்கும் கணத்தில்

கடனாய் வரும் நினைவுகளே

தருவாய் மாறும் முன்னேற்றங்களே

உருவாய் உயிர்பெரும் உளியின் ஓசை,

நெஞ்சத்தின் நினைவின் கீறல் .. 

நித்திரையில் வந்து

முத்திரையாய் முற்று பெரும் -நினைவுகளே

நினைவில் நில்லும் -நினைவின் கீறல்கள்

காலதேவனின் கற்பனை வாயில்கள் ...

உணர்வுடன்   

விஜய் ஆனந்த் .S

-->

விந்தை

நயக்கும் நிலம் தனில் -நாணய

நா-தனை உளோரும் -விந்தை!

நாக்கு வியாபாரிகள் நடமாடும் 

புவிதனில் 

வஞ்சகமிலா பெரியோர் -வியப்பு!

இருப்பை உணரா தருவில் பிறப்பை

உணர துடிக்கும் விருட்சம்

பூவுலகின்

முற்றில்லா ஆ...ச்சர்யம்...

கயமை மனத்திடே உருபெற்ற

கருதனை இதய மாற்றும்

மனமே 

மண்ணின் மகத்துவம்...

சிகரம் தடுத்து சிந்தனை மறுதலித்து

மனித மாண்பற்ற செயலை செயலிழக்க

செய்யும் செல்வரே

மானுட மாணிக்கம்...

விந்தைக்கு விந்தை சேர்க்கும்

மானுட மந்தையில்

மலடில்லா மண்ணை உருபெற உதவும்

யாவரும் அடடே ஆச்சயரியங்களே !!!!

ஆம்,

விதியும் நல்-மதியும் கலந்தால்

நாள்தோறும் தவணையில்

தவறில்லா ஆச்சயரியங்களே !!!!

உணர்வுடன்   

விஜய் ஆனந்த் .S

-->

சச்சின் --- நூற்றாண்டின் பொக்கிஷம் (The Legend of Legends)

"நீரின்றி அமையா உலகு

சச்சின் இன்றி நினையா கிரிக்கெட்"

எனும் அளவுக்கு இந்திய கிரிக்கெட் ரசிகர்களின் நினைவை விட்டு நீங்காத அளவுக்கு நினைவில் நிற்பவர்  சச்சின்.

என்னுடைய நீண்ட கால ஆசைகளில் ஒன்று சச்சினை பற்றி நாமும் உணர்ந்த,அலசிய,உள்ளார்ந்த சில விடயங்களை நமது எழுத்தால் பதிவு செய்ய வேண்டும் என்பதும் ஒன்றாகும் .எங்களது இளம் பருவத்தில் அதிகமுறை உச்சரிக்கப்பட்ட,விவாதபடுத்தப்பட்ட பெயர்களில் ஒன்று சச்சின் டெண்டுல்கர் .

                                சச்சின் தனது 11ம் வயதில் கிரிக்கெட் வாழ்வை தொடங்கி 16ம் வயதில் சர்வதேச கிரிக்கெட் உலகில் நுழைந்து இந்த வருடம் 2013 யுடன் தனது கிரிக்கெட் வாழ்க்கைக்கு முற்றுபுள்ளி வைத்துள்ளார்.இந்த நிலையில் சச்சின் கிரிக்கெட் வாழ்வை பற்றி அசை போடுவதுக்கு சரியான தருணம் என்பது என் திண்ணமான எண்ணம்.

சச்சின் = அர்ப்பணிப்பு

சச்சின் போல பல கிரிக்கெட் ஜாம்பவான்கள் குறிப்பாக உலகளவில் Mark Waugh, Brian Lara, Inzamam,Syed Anwar,,Jeyawardne,Cullinan,Kristen இந்திய அளவில் Sourav, Rahul,Laxman,Kambli ஆகியோர் 90களில் தங்களது கிரிக்கெட் வாழ்வை ஆரம்பித்தவர்கள்.இன்னும் சொல்ல போனால் ஆட்ட நுணுக்கங்களை வைத்து பார்க்கும் போது சச்சினுக்கு ஏறக்குறைய ஒத்தவர்கள் தான் மேல குறிப்பிட்ட அனைவரும் இன்னும் விடுபட்ட சிலரும் கூட.

ஆனால் சச்சின் என்றால் தனிமனித ஒழுக்கம்(Discipline),அர்ப்பணிப்பு (Dedication), தீர்வு காண்பதில் உள்ள முனைவு (Determination),குறைந்தபட்ச நேர்மை யாருக்கும் சச்சின் அளவுக்கு  நிகராக வரா...

இதுதான் சச்சின்; இதனால் தான் சச்சின் ...

சச்சின் ஒருவர் தான் இன்டர்நேஷனல் கிரிக்கெட் உலகின் 30,000 ரன்களுக்கு மேலும்,50000 ரன்களுக்கு மேல் அனைத்து விதமான கிரிக்கெட் (Domestic & International,county) ஆட்டங்களிலும் கடந்தவர். சச்சின் மட்டும் தான் தன் தலைகனத்தை கூட கனமான பேட்டில் மட்டும் காட்டும் அற்புதமான விளையாட்டு வீரர் என்பது எனது ஆழமான நம்பிக்கை.

சச்சின்- கிரிக்கெட்  காலகட்டம்

சச்சின் கிரிக்கெட் வாழ்க்கையை என்னை போல சாதாரண கிரிக்கெட் ரசிகனின் பார்வையில் நான்கு கால கட்டமாக பிரிக்கலாம்.

·         முதல் கட்டம் (1989-1994)

இந்த ஆரம்ப கட்ட காலத்தில் தான் சச்சினின்  "Raw Cricket" யை நன்கு ரசிக்கலாம்.அதுவும் அந்த POWER BAT யை மறக்கவே முடியாது மேலும் இந்த கால கட்டத்தில் இந்திய அணியில் நிலையான இடம் கிடைப்பது அவ்வளவு எளிதல்ல.அதிலும் முன்னணி வீரராக விளங்கி நின்றதே மிக பெரிய அதிசயம்,

அந்த அதிசய சச்சினின் ஆட்ட சில துளிகள்

• 1989 ம் ஆண்டு பாகிஸ்தானுக்கு எதிராக Srikanth தலைமையிலான அணியில் இடம் பிடித்து அதே ஆட்டத்தில் அறிமுக வீரராக களம் இறங்கிய Waqar younis  பந்தில் பௌன்சரில் மூக்கில் அடிபட்டு ரத்தம் பீறிட்டு பிறகு அதே Waqar எதிர் கொண்டு பேட் மூலம் ரத்தம் கக்க வைத்த நிகழ்ச்சி.
• .அந்த காலகட்ட Top -spinner  Abdul Qadir  பந்து வீச்சை மைதானத்தின் நான்கு மூலைகளிலும் சிதற விட்டு தேட விட்டவர். இதெல்லாம் சச்சினின் aggression க்கு சரியான சான்று.
• இங்கிலாந்து Old Traford மைதானத்தில் முதல் சதம் அடித்தது
  
• World Cup ஆஸ்திரேலியாவில் விளையாடியது

இன்னும் சொல்லப்போனால் ,
இந்த கால கட்டத்தில் தான் கிரிக்கெட் உலகில் பந்து வீசுபவர்கள் அதிகளவு ஆக்கிரமித்து , ஆதிக்கம் செலுத்தினர்.

அன்றைய முன்னணி பந்து வீச்சாளர்களான WasimAkram,WaqarYounis,Imrankhan, Ambrose,Wallce,Donnald,De-villers,Mcdermott,Bruce reid,Huges பலரை திறம் பட எதிர் கொண்டு தனது திறமையும் மெருகேற்றி அதன் மூலம் இந்தியாவுக்கு வெற்றிகளை சுவைக்க வைத்தவர் sachin.

·         இரண்டாம் கால கட்டம் (1994-2000)

இந்த காலகட்டம் தான் சச்சினின் பொற்காலம் என்று கூறலாம்.இந்திய கிரிக்கெட் ரசிகர்கள் அனைவர் உதடுகளும் தினமும் ஒரு முறையாவது இவரது பெயரை எதோ ஒரு வகையில் சொல்ல வைத்த நாட்கள் இந்த காலத்துக்கு சொந்தமானது என்று சொன்னால் நிச்சயம் மிகையாகா.

சச்சின் Raw cricket யை  matured கிரிக்கெட் யாக உருமாற்றி அதற்கு அவரது fitness யும் ஒத்துழைத்து பெற்ற வெற்றிகள் ஏராளம்.

குறிப்பிட்டு சொல்ல வேண்டும் என்றால்

•    சச்சின் தானே ஆசை பட்டு அசாரிடம் கேட்டு Opening வீரராக களம் இறங்கி New-zealand எதிராக 49 பந்தில் 82 ரன்னில் எடுத்த தருணம் இன்றும் மறக்க இயலா..  மேலும் 30 of the circle யை சரியாக பயன்படுத்தி the form of one-day cricket யை மாற்றி அமைத்த பெருமைக்குரிவர் சச்சின்.
• 1996 ல் உலக கோப்பை போட்டியில் இரண்டு சதம் உட்பட 500க்கு மேல் ரன் குவித்து முதல் இடம் பிடித்தது .இந்த கால கட்டத்தில் தான் world international cricket ல் எளிதாக 300 ரன்களை கடக்க ஆரம்பித்த நேரம் எனலாம்.

•  Shane Warne கனவுகளில் கூட சச்சின் விரட்டி,விரட்டி அடித்து Sourav தலைமையிலான அணியை ஆஸ்திரேலியாவுக்கு எதிராக டெஸ்ட் தொடரை வென்றது
• Sharjaah Coca-cola series ல் தொடர்ச்சியாக இரண்டு சதம் அடித்து (134,141) கோப்பை வென்றது
• தாகாவில் 1998ல் நடைபெற்ற Mini-Worldcup ல் ஆஸ்திரேலியாவுக்கு எதிராக சதம் அடித்து சதிராடி   semi-Final நுழைந்தது

கிரிக்கெட் வெறியராக அதுவும் சச்சின் வெறியராக இந்திய ரசிகர்களை மாற்றி தளம் அமைக்கப்பட்ட கால கட்டம் இதுதான் என சொன்னால் தவறில்லை.அதுவும் எங்களை போன்ற கிரிக்கெட் ரசிகர்களுக்கு சச்சின் கிரிக்கெட்டை முழுவதுமாக  தரிசித்த தளம் இதுதான்...

குறிப்பாக சொல்ல வேண்டும் என்றால் கிரிக்கெட் மதம் போல் மாறி அதனை காவு கொடுக்கும் விதமாக பல bookies நுழைந்தது,Bedding ஆரம்பித்தது எல்லாம் இந்த காலகட்டத்தில்தான்.எப்போதல்லாம் bookies இடையுறு இருந்து இருக்கிறதோ அப்போதெல்லாம் சச்சின் பேட் மூலம் பதில் கிடைக்கும் எனும் அளவுக்கு நேர்மையின் மைல் கல்லாகவும்,அர்ப்பணிப்பின் உறைவிடமாகவும் இருந்தவர் sachin.

·         மூன்றாம் காலகட்டம் (2001-2007)

சச்சின் அளவுக்கு அனைத்து வித விளையாட்டு உலகில் injury ஆகி மீண்டும் மீண்டும்  பீனிக்ஸ் போல் வந்து நிலைத்து ஆடி பெயர் பெற்ற அதனினும் அதே புகழுடன் நீடித்த வீரர் எவருமே இல்லை என்றே சொல்ல வேண்டும் அதுதான் தார்மீகமானது கூட ...

சச்சின் injury list தெரிந்து கொள்ள கீழ்கண்ட link பார்த்தாலே புரியும்

Sachin Injury list

இதனையும் மீறி இந்த காலகட்டத்தில் சச்சின் விளையாடிய விதம் அலாதியானது,இந்த நேரத்தில்தான் Shewag,Yuvraj,Sourav,Dravid ஆகியோரும் ஆதிக்கம் செலுத்தியது.

சச்சின் மேல் இருந்த "Dependency of indian cricket" யும் விடுபட தொடங்கியது.இதில் ஒரு விசேச விடயம் என்னவென்றால் இந்த கால கட்டத்தில்தான் சச்சின் ரன் அடிக்கும் விதம் (Strokes ) மாறி ரன் மழை பொழிய தொடங்கியது.இதனை "sachin implemented his decent ,determined matured technical playing strategy/methodlogy" என கூறலாம் .

இந்த காலகட்டத்தில் சில துளிகள்

• 2001ல் ஆஸ்திரேலியாவுக்கு எதிராக சௌரவ் தலைமையில் விளையாடி டெஸ்ட் தொடரை வென்றது
• சச்சின்-சௌரவ் partnership 6000 ரன்களுக்கு மேல் எடுத்தது (22 சதம் மற்றும் 20 அரை சதம் உட்பட)
• வசிஷ்டர் Bradman  வாயால் பிரம்மரிசி பட்டம் சச்சின் வாங்கியதை
• Bradman about Sachin
•   2003 உலககோப்பையில் சௌரவ் தலைமையிலான அணியில் 600 ரன்களுக்கு மேல் குவித்து இறுதி போட்டியில் பங்கு பெற்றது
•  பாகிஸ்தானுடன் 194 ரன்கள் Multan மைதானத்தில் குவித்ததுஅதை தொடர்ந்து dressing-room கலாட்டா..

இந்த 2007ல் தான் உலககோப்பையில் super-eight ல் கூட இடம்பிடிக்க முடியாதது கூட நடந்தேறியது

·         நான்காம் காலகட்டம் (2008-2013)

இந்த தருணத்தில் தான் சச்சின் தனது கனவான worldcup வென்றது ,மேலும் the form of indian cricket முற்றிலுமாக மாறி இருந்தது .சச்சின் மீதிருந்த அனைத்து பாரங்களும் Shewag,Gambir,Kohli,Dhoni,Raina,Yousuf ஆகியோரால் ஏற்று கொள்ளப்பட்டது.

இந்திய கிரிக்கெட் தலைமகனை இந்திய அணியின் இளம் வீரர்கள்  தூக்கி கொண்டாடிய 2011 worldcup நினைவை  விட்டு அகலா....

இறுதியாக சச்சின் தனது 100வது சதம் போராடி அடித்தது ,அதனை தொடர்ந்து சச்சின்

"It's been a tough phase for me ... I was not thinking about the milestone, the media started all this, wherever I went, the restaurant, room service, everyone was talking about the 100th hundred. Nobody talked about my 99 hundreds. It became mentally tough for me because nobody talked about my 99 hundreds." என சொன்னதை நினைவு கூறலாம்..

Batting Statistics

Type Mat Inns NO Runs HS BF Avg SR 100's 50's 6's 4's ODI 463 452 41 18426 200 21367 44.83 86.24 49 96 195 2016 Test 200 329 33 15921 248 29437 53.79 54.08 51 68 69 2058 T20 1 1 0 10 10 12 10.00 83.33 0 0 0 2 IPL 78 78 9 2334 100 1948 33.83 119.82 1 13 29 295 ChampLeague 13 13 0 265 69 243 20.38 0 0 1 4 34

Bowling Statistics

Type Mat Balls Runs Wkts BBI BBM Econ Avg SR 4W 5W 10W ODI 463 8054 6850 154 5 / 32 5 / 32 5.10 44.48 52.30 4 2 0 Test 200 4240 2492 46 3 / 10 3 / 14 3.53 54.17 92.17 0 0 0 T20 1 15 12 1 1 / 12 1 / 12 4.80 12.00 15.00 0 0 0 IPL 78 36 58 0 0 / 7 0 / 7 9.67 - - 0 0 0 ChampLeague 13 0 0 0 - / - - / - - - - 0 0 0

சச்சின் ஆட்ட நுணுக்கங்கள் அதிகளவு criticize செய்யப்பட்டதும் அவரது ஓய்வை பற்றி அதிகளவில் அலச பட்டதும் இந்த கால கட்டத்தில்தான்

சச்சின் ஓய்வு

சச்சின் தனது வாழ்க்கையின் ஒரு பகுதியாக என்று கூட சொல்ல இயலா ,தனது வாழ்க்கையே கிரிக்கெட்டாக வாழ்ந்த மாமனிதன் தனது ஒருநாள் கிரிக்கெட் போட்டி விலகலை 2012ல் அறிவித்தார்.

மேலும் எல்லா விதமான கிரிக்கெட் ஆட்டங்களில் இருந்து ஓய்வு பெறுவதாக மனமேயின்றி 10 அக்டோபர் 2013ல் அறிவித்தார், அதன்படி தனது 200 வது டெஸ்ட் போட்டியில் 74 ரன்கள் எடுத்து கிரிக்கெட் எனும் தனது இதயத்தை நிறுத்தி கொண்டார் என எழுதும் போது கூட எழுதும் சிறிது நேரம் நின்று தான் வருகிறது அனிச்சையாக..

சச்சின் பற்றி சில,பல விவாதங்கள் இருந்தாலும் இத்தருணத்தில் சச்சினின் தனி மனித சாதனை ,அற்பனைப்புகு முன்னால் அத்துணை விமர்சனங்களும் மைக்ரோ அளவே என்பது திண்ணம் .சச்சின் ஓய்வை மனம் ஒப்ப மறுத்தாலும் அது காலத்தின் கட்டாயம்

பாரத ரத்னா -சச்சின்

இங்கே நாம் ஒன்றை நினைவு கூற முற்பட வேண்டும் இந்திய கிரிக்கெட் உலகில் சச்சின் அளவுக்கு ஆடி புகழ் அடைந்தவரும் இல்லை ,பொருள் அடைந்தவரும் இல்லை எனலாம் .இதற்கு பிறகு ஒரு சச்சின் வருவாரா என்பது தனி விவாதம் ,எனினும் என் தனிப்பட்ட கருத்து இன்னும் ஒருவர் வந்து சச்சின் சாதனைகள் ஒருவேளை முறியடிக்கப்படலாம் ,அது காலத்தின் கட்டாயம்....

ஆனால் இன்னும் ஒருவர் வந்தாலும் சச்சின் அளவுக்கு 24 ஆண்டுகள் கிரிக்கெட் அர்ப்பணிப்புடன் ஆடி,ஒழுக்கம் போற்றி தனது புகழை தலைக்கு ஏற்றாமல் தரணி போற்றபடுவது என்பதை நினைத்தே பார்க்க இயலா பாய்சான் ரேசியோ ....

சச்சின் தனது 200 வது டெஸ்ட் போட்டியில் விளையாடி விடை பெற்ற அதே நாளில் இந்திய பேரரசால்  பாரத ரத்னா விருது அறிவிக்கப்பட்டு கவுரவிக்கப்பட்டார்.

சச்சின் சிறப்பம்சம் சில

• இதுவரை 200 அநாதை தெய்வ குழந்தைகளுக்கு கல்வி வழங்கி கொண்டிருப்பது..
• இதுவரை கோடிகளில் கொட்டி குடுத்தாலும் புகை,மது விளம்பரங்களில் நடிக்காதது ...

பாரத ரத்னா விருதை பற்றி பல்வேறு விவாதங்கள் இருந்தாலும் இதுவரை சிலருக்கு கொடுக்காதது அரசின் தவறேயன்றி தனி மனித தவறல்ல...இந்த விருது கொடுத்தாலும் கொடுக்காவிட்டாலும்

“மக்கள் மனதில் சச்சின் பொக்கிஷமே

ஆம் பாரதத்தின் பொக்கிஷமே

இந்நூற்றாண்டின் பொக்கிஷமே”

சச்சின் பற்றி சாதித்தோர் சொல்லியவை ---- பார்க்க link

நிறைவாக சச்சின் பற்றி சிதறல்கள் சில

சச்சின் நீ ஒரு சாதனை -அல்ல

சகாப்தம் நூற்றாண்டின் சகாப்தம்;

சச்சின் உனக்கு விருது கொடுக்க தேவையில்லை

உன் பெயரால் தான் விருதே கொடுக்க வேண்டும்;

அர்ப்பணிப்பின் ஆண்மகன்-நீ

கிரிக்கெட்டின் பிதாமகனே ஏற்ற  தலைமகன்;

எதிராளிகளின் ஆதர்சன நாயகன்;

உன் கையில் இருப்பது Bat அல்ல

இந்திய கிரிக்கெட்டின் Fate ..... 

Last but not Least

"If religion is cricket

Sachin is Universally accepted GOD"

உணர்வுடன்,

விஜய் ஆனந்த் S